Furrina

Furrina (nonnumquam Furina scripta) fuit vetus dea Italica et Romana. Fuisse quidem remoto tempore dea alicuius momenti videtur quoniam flamen minor ei deditus erat atque quotannis die 25 Quintilis (Iulii), sub Caniculae ortum, Furrinalia in eius honorem celebrabantur sed tempore Varronis Romani qualis dea fuisset aut quibus rebus praefuisset iam omnino obliti erant^[1]. Duo loca tamen ubi colebatur nobis nota sunt: lucus ei fuit in Ianiculo ad quem Gaius Gracchus trucidatus est^[2] et alter Arpini, in Ciceronis patria^[3]. Ob similitudinem phoneticam Cicero eam Furiis Graecis adsimulabat^[4].

↑ Varro, Lingua Latina VI.19: "cuius deae honos apud antiquos (fuit) ; nam ei sacra annua et flamen attributus ; nunc vix nomen notum paucis".
↑ De viris Illustribus urbis Romae 65. Plutarchus, Vita G. Gracchi 17.2.
↑ Ad Quintum fratrem III.1.
↑ De natura deorum III.46. Etenim Furrinae plurali numero in inscriptionibus leguntur.

[1] Varro, Lingua Latina VI.19: "cuius deae honos apud antiquos (fuit) ; nam ei sacra annua et flamen attributus ; nunc vix nomen notum paucis".

[2] De viris Illustribus urbis Romae 65. Plutarchus, Vita G. Gracchi 17.2.

[3] Ad Quintum fratrem III.1.

[4] De natura deorum III.46. Etenim Furrinae plurali numero in inscriptionibus leguntur.

[1]

[2]

[3]

[4]